Խոսում ենք սիրո մասին

Սերը ամեն ինչ է` երջանկություն, կյանք, հույս…Սերը ամենավառ և ամենագեղեցիկ զգացումն է,  որ կա աշխարհում: Առանց սիրո կյանք չէր լինի: Կյանքի նախապայմաններից  մեկը սերն է ` մաքուր ու անկեղծ սերը: Չկա այնպիսի մարդ, որ ապրած չլինի այդ զգացմունքը, այդ երկնային բերկրանքը, չկա այնպիսի շնչավոր արարած, որ երբեք չսիրի: Որոշ մարդկանց կարծիքով հավերժական սեր գոյություն չունի, դա միայն նրանց երևակայության արդյունքն է:Նրանք կարծում են, որ դա փոքրիկ հորինվածք է, որին ուղղակի կուրորեն հավատում են մարդիկ: Իհարկե, փոքր տարիքում սերը  հորինվածք է, մանկական սեր, վառ գույներով ներկված նկար, ուղղակի փոքրիկ հեքիաթ: Ես նույնպես  ունեցել եմ այդպիսի սեր, բայց գիտակցել, որ դա միայն մանկական սեր է,  ուղղակի գեղեցիկ երազ: Բայց ինչ էլ որ լինի, միևնույնն է,  հավերժկան սեր չի կարող չլինել: Չէ˚ որ սիրո շնորհիվ են ստեղծվում ընտանիքները և կարողանում են հաղթահարել լավ ու վատ օրերը: Սերը ամեն ինչ է` աշխարհի կենարար աղբյուրը, խոսքեր չեմ գտնում սերը նկարագրելու համար,  միայն վերջում կասեմ` սիրե′ք և երբեք մի′ զղջացեք, որ սիրել եք, քանզի սերն է այս աշխարհը լցնում բարությամբ, հեքիաթով  ու լույսով: