понедельник, 1 апреля 2013 г.

Ղազարոս Աղայան - Հիշողություն



Ծիծեռնակը բույն էր շինում, 
Ե՛վ շինում էր , և՛ երգում, 

Ամեն մի շյուղ կպցնելիս՝ 
Առաջվա բույնն էր հիշում: 
Մեկ անգամ էր նա բույն շինել 
Եվ շատ անգամ կարկատել, 
Բայց այս անգամ վերադարդզին 
Բույնն ավերակ էր գտել: 
Այժմ նորից բույն էր շինում, 
             Ե՛վ շինում էր , և՛ երգում, 
             Ամեն մի շյուղ կպցնելիս՝ 
             Առաջվա բույնն էր հիշում: 
             Նա հիշում էր անցած տարին 
             Իր սնուցած ձագերին, 
             Որոնց ճամփին հափշտակեց 
             Արյունարբու թշնամին: 
             Բայց նա կրկին բույն էր շինում, 
             Ե՛վ շինում էր , և՛ երգում, 
             Ամեն մի շյուղ կպցնելիս՝ 
             Առաջվա բույնն էր հիշում: